Albisteak

Zalantzarik gabe, sare sozialak pertsona gehienen egunerokotasunaren parte dira. Merkataritzarentzat hori aurrekaririk gabeko erakusleihoa da, esposizio-maila ezohikoak lortzeko aukera ematen diguna. Gaur egun, ezinbestekoa da plataforma nagusietan profilak izateaz gain, horiek nola erabiltzen ikastea, ahalik eta etekinik handiena ateratzeko.

Sare sozialek aukera ematen digute gure bezeroekin elkarreragiteko eta, beraz, haien eskaerak eta beharrak ulertzeko. Baina gure bezeroekin harreman estuagoa ezartzeaz gain, bezero potentzialengana iritsi eta erakarri ahal izango ditugu, hain hedapen-maila handiko tresna baita.

Ia enpresa guztiek dituzte profilak sare sozialen batean edo bestean, gure lehiakideak barne. Horrek aukera ematen du sakonago aztertzeko eta azterketa honen emaitzen inguruan geure estrategiak planifikatzeko. Bestalde, beste negozio eta profesional batzuekin harremanak izateko gai izango gara.

Abantaila horietatik ahalik eta etekinik handiena ateratzeko, ezinbestekoa da kontu handiz planifikatutako estrategia bat izatea. Internet bidezko erosketen gorakadarekin, community manager delakoak garrantzia hartu du, gure profilak sare sozialetan administratzen baititu. Bitarteko hori menperatuko duen figura bat edukitzeak estrategia argi eta zehatz bat definitzea ahalbidetuko digu, bezero berriak erakarriko dituena, lehendik ditugun bezeroak fidelizatuko dituena eta onurak ekarriko dizkiguna.

Iturria: marketingandweb.es

 Smartme Analytics-ek, hainbat konpainiatako ordezkariekin egindako mahai-inguru baten bidez, kontsumitzaile digital berria eta horrek merkataritzari dakarkion guztia aztertu du berriki. Aurreko urteetan gertatzen ari bazen ere, pandemiak ikus-entzunezko edukien gorakada ekarri zuen. Orain bezeroak gero eta gehiago eskatzen du eduki mota hori, eta, beraz, ezinbestekoa da ulertzea ahalik eta etekinik handiena atera ahal izateko.

Joerek adierazten dute argazkiaren arotik bideoaren arora pasatzen ari garela. TikTok bezalako sare sozial berrien edo Ibai Llanos bezalako eduki-sortzaileen arrakastak hala adierazten duela dirudi. Konfinamenduko hilabeteetan kontsumitzaileek gero eta eragin handiagoa izan zuten ikus-entzunezkoen munduan, eta eragin hori mantendu egin da gaur arte.

Mahai-inguru horretan, Playstation edo MásMóvil bezalako konpainia liderrek parte hartu zuten, eta beren esperientziak eta arrakasta kasuak aurkezteko aukera izan zuten. Denek uste dute ikus-entzunezkoen sektorea hazten ari dela, eta, gainera, hainbat arlotako aniztasuna estaltzeko gai dela.

Merkatariek beren negozioen publizitaterako kontuan hartu beharreko kanal berri bat den arren, garrantzitsua da kontsumitzailea ezagutzea. Negozio bakoitzak bere audientzia du, eta baliteke orain arte saltoki txikiek nahikoa izan izana bide tradizionalagoekin, baina argi dago ikus-entzunezkoen sektorea ez dela alde batera utzi behar.

Iturria: marketingdirecto.com

Apache Digital eta Appinok argitaratu berri duten azterlan baten arabera, inkestatutako kontsumitzaileen % 70 dendetan gehiago kontsumitzeko prest egongo lirateke balorazio positiboak dituztenean. Gainera, % 46k uste du online erreseinek eragina dutela beren erosketetan, eta zifra hori % 60ra igotzen da gazteen kasuan.

Txostenaren arabera, 3,97/5 da balorazio positiboaren eta neutroaren arteko muga. Beraz, saltoki batek bere online puntuazioa zifra horren gainetik jartzen saiatu behar du. Nota 2,31tik beherakoa bada, balorazio negatiboaz ari gara, eta, beraz, litekeena da gure bezero potentzialek gure establezimenduan konfiantzarik ez izatea.

Elektronikaren, osasunaren, edertasunaren edo etxetresna elektrikoen sektoreetan dute eragin handiena bezeroen balorazioek. 25 urtetik beherakoen artean kirola eta hezkuntza ere agertzen dira. Era berean, ikerketak erakusten du kontsumitzaileak gehiago ordaintzeko prest daudela oinetakoak, seme-alaben zaintza, maskotak eta elikadura bezalako sektoreetan.

Puntuazioa ez da garrantzitsua bakarrik, bezeroak erreseina kopurua ere baloratzen du, 50 eta 200 artean kokatu beharko liratekeenak. Gure merkataritza etorkizuneko bezeroentzat erakargarria izan dadin, garrantzitsua da gure balorazioak kudeatzea eta gure bezeroak gu baloratzera bultzatzea. Horrela, beste kontsumitzaile batzuk gure saltokira erakarriko ditugu.

• Iturria: marketingdirecto.com

Beste eskualde batzuetan erabilgarri bazegoen ere, duela gutxi Pinterestek Europako hainbat eskualdetan (Espainian, Italian eta Suitzan, besteak beste) online erosketa-funtzioak gaitu ditu. Erosketa horiek hainbat modutan egin daitezke sare sozialaren bidez.

Alde batetik, bilaketa bat egitean, aplikazioak berak antzeko ezaugarriak dituzten produktuak iradokiko ditu. Erabiltzaileak mundu errealeko produktuei argazkiak ateratzeko aukera ere izango du, eta Pinterestek beste produktu erlazionatu batzuk gomendatuko ditu. Azkenik, "Tienda" izeneko atala ezarriko da erabiltzaile guztientzat, eta eskuragarri dauden produktuak iradokiko ditu, erabiltzaileak sare sozialean duen jardueran oinarrituta.

Saltoki txikientzat, Pinterestek merkatari egiaztatuen programa abiarazi du. Programa horren bidez, kalitate-irizpide jakin batzuk betetzen dituen edozein negoziok saltzaile gisa egiaztatzen duen egiaztapen-marka bat lortuko du. Halaber, dendek beren produktuak profilean erakutsi ahal izango dituzte, eta kategoriaka etiketatu, saltzeko.

Orain arte, Pinterest erabiltzaileek gehien bisitatutako webguneetako bat izan da, etorkizuneko erosketetarako inspirazioa bilatzeko. Funtzionalitate berri horiekin, sare sozialaren sortzaileek beste urrats bat eman nahi dute, eta modu zuzen, fidagarri eta seguruan erosketak egin ahal izateko plataforma bihurtu.

• Iturria: Marketing4ecommerce.net 

Facebookek bere sare sozialetan (Facebook, Instagram eta WhatsApp) martxan jarri dituen funtzionalitateen berri eman du saltoki txikiei laguntzeko, beste behin ere.

Erabiltzaileen %75ek adierazi du markekin zuzen komunikatu nahi direla. Horregatik, Facebookek hainbat funtzionalitate abian jarri ditu posible izateko.

Tiktoken algoritmoa erabiltzaileek sare sozial honetan denbora igarotzeko eraginkorrenetako bat da. Erabilitzaileen konportamendua oso denbora gutxian ikasten eta pertsona bakoitzari gustatzen zaion edukia azkar erakustea lortzen du.

Astound Commerce-ek egindako '2021 Global Consumer Survey Report' inkestaren arabera, sare sozialen bidezko erosketak %31,4 haziko dira urtero 2027ra arte. Horrek esan nahi du plataforma horien erabiltzaileek 500.000 milioi euro baino gehiago gastatuko dituztela urtebetean.

Astound Espainia eta Portugaleko arduradunak azaldu duenez:

Gero eta saltoki gehiagok sare sozialen bidez saltzea erabaki dute, baina plataforma horiek nola funtzionatzen duten ez dakitenez, haien irismen-maila eskasa izaten da. Konponbide gisa, Facebookek erabaki du tokiko negozioei laguntzea argitalpen interesgarriak egiten. Horretarako, profesionalentzako baliabide-zentroa habian jarri du. 

Bertan, erabiltzaileek antzeko kontuen argitalpen arrakastatsuak aurkituko dituzte. Horrela, negozio txikiek jakingo dute nola marka handiek lortzen duten sare sozial honetan duten arrakasta.

Dena dela, gero eta saltoki gehiagok egiten dute beren online denda. Horietako askorentzat mundu berria da.

Duela urte gutxi, tokiko negozioen online denda gutxi zeuden. Marketplace handiak ziren Interneten bidez saltzen zuten bakarrak. Gaur egun, lehen baino askoz gehiago daude, eta horregatik taktika onak martxan jartzea erabakigarria izango da negozio txikientzat.

Instagrameko Reels-ak erabiltzaileek gehien erabiltzen dituzten funtzionalitateetako bat bihurtu dira. Zer eduki mota egin jakiteko, garrantzitsua da aldez aurretik sare sozialaren algoritmoaren funtzionamendua ezagutzea. 

Social Mediari buruzko IMAGINA lehen barometroak, Instagram enpresentzako kanalik erabiliena eta eraginkorrena dela adierazten du. Azterlanak enpresek sare sozialetan dituzten helburuak, lehentasunak, aurreikuspenak eta emaitzak aztertu ditu. Instagram da, %40,7rekin, konpainiei emaitza onenak ematen dizkiena.

Marka ororen helburua bere publikoarengana iristea eta harremanetan egotea. Horietatik laurdenek Instagram erabiltzen dute hori lortzeko.

Hasi aurretik, chatbot bat zer den ikusiko dugu. Chatbot bat erabiltzaileekin testu-mezuen bidez komunikatzen den laguntzaile gisa defini dezakegu.

Negozio digital orok jakin behar du salmentak ez direla oinarritzen soilik erabiltzaileak online dendan "erosi" sakatzean. Ezberdintasuna markatzeko eta, batez ere, mundu digitalean hazteko, garrantzitsua da bezeroarekiko harremanari eustea. Prozesu horri elkarrizketa bidezko merkataritza edo c-commerce esaten zaio. Erosketa amaitzean, bezeroek beren eskaerari buruzko informazioa nahi izango dute, eta zalantzak izango dituzte erosteko erabakia hartu aurretik.

Gure gizartera iritsi zirenetik, eraldaketa digital masiboak asko aldatu dira. Bereziki, kontsumitzailearen kultura berri bat eraiki da. Sare sozialen bilakaerak aldatu egin du pertsonek enpresekin edo markekin harremanetan jartzeko duten elkarreragina.

DPDgroupek (SEUR) egindako ikerketa baten arabera, 2020an merkataritza elektronikoa 2025erako aurreikusitako mailara iritsi zen. Aurten hazi den sektore bakarrenetakoa da. 

Kontsumitzaileek Internet bidez gero eta gehiago erosten zuten neurrian, inoiz erosi ez zituzten online denda berriak aurkitzeko prestasun handiagoa izaten hasi ziren.

Instagramek bideo formatuaren aldeko apustua egiten jarraitzen du eta hurrengo urratsa Reels bideo laburren sailean iragarkiak gehitzea izango da. 

Apirilean, sare sozialak Indian, Brasilen, Alemanian eta Australian egin zituen lehen probak. Funtzionamendu ona ikusi ondoren, 80 herrialde baino gehiagotan ezarriko ditu. Ikusteko modua Tiktoken antzekoa izango da. Reels-ak pasatzen diren neurrian, iragarkiak agertuko dira.

Merkataritza elektronikoak gorakadan jarraitzen du mundu osoan, urtez urte. Hala, 2030ean txikizkako merkataritzan %30eko merkatu-kuota izatea aurreikusten da. 

Gaur egun, e-commerce da etorkizunerako aurreikuspen onena duen kanala. Konfinamenduaren ondorioz, online dendetan erostera ohituta zeuden kontsumitzaileek gehiago erosi zuten eta, beharrak bultzatuta, pertsona gehiagok erosi zuten Internet bidez.

IAB Spainek eta Elogiak 2021ean egindako sare sozialen ikerketaren arabera, Tiktoken igoerak, Facebooken jaitsiera ere ekarri du. Ikus daitekeen beste emaitzetako bat da sare sozialen erabileran alde handia dagoela belaunaldi desberdinen artean. Baita hurbil dauden bi belaunaldik ere hala nola Millenial-ek (25-40 urte) eta Z belaunaldiak (16-24 urte).

Datuak Babesteko Erregelamendu Orokorrak (DBEO) arautzen du Europar Batasuneko webguneek nola administratu eta gorde ditzaketen erabiltzaileen datuak. 

Informazioa biltzeko metodo ohikoenetako bat cookie-ak dira.

Showroomprivek eta Online Konfiantzak egindako "Online Moda Erosteko konfiantzari buruzko Online Konfiantzaren & Showroomprive VI. azterlana"-ren arabera, 2020ko merkataritza elektronikoaren hazkundea egiaztatzen du. Pasadan abenduan egindako ikerketa honek, online kontsumitzaileen poztasunean sakontzen du, honako bi ardatzetan oinarrituta: segurtasuna eta konfiantza.

COVID-19ak kontsumo-ohituraen aldaketa ekarri du, honezkero, online erosten duten erabiltzaileen kopurua esponentzialki handitu da. 

Empathy.cok Online Kontsumitzaileei egindako I. Inkestaren arabera (2020ko maiatza), pandemiaren lehen hilabeteetan kontsumitzaileen %33k esan zuen sarriago erosi zuela online. 

Euskadiko Merkataritzaren Behatokiak, bestalde, pandemiaren garaian egindako azterlan bat argitaratu du, euskal establezimenduak erosteko ohitura berri horietara nola egokitu diren jakiteko. Saltokien arabera, 2020. urtea bezeroen ohitura aldatzeko garaia izan da, baina digitalizazioa eta saltzeko modu berriak sustatzeko ere balio izan diela aitortu dute. 

Euskal Merkataritzaren 2020ko Barometroaren arabera, hamar establezimendutik hiruk bezeroei arreta emateko zerbitzu berriak garatu dituzte. Horien artean dago etxera bidaltzea eta webgunearen edo WhatsAppen bidez erostea. Ordaintzeko moduei dagokienez, askok Bizuma edo mugikorrarekin ordaintzea gauzatu dute. Digitalizazio horretara gehien eboluzionatu duten sektoreak Osasuna eta Edertasuna eta Elikadura izan dira. 

Internet bidez saltzen duten euskal saltokien ehunekoa %16koa da, 2019ko barometroan lortutako emaitzak baino 4,4 puntu handiagoa. Saltokien % 76,5ek bere webgune propioa erabiltzen du bere produktuak eta zerbitzuak saltzeko. Emaitzak positiboak izan dira; izan ere, saltoki horien %35,1ek adierazi dute salmentak handitu dituztela azken urtean.

Kontsumitzaileen %74,6k uste du bezeroarekiko arretak eragin zuzena duela erosteko erabakian. Bestalde, %75,6k adierazi du, bezero arreta zerbitzu eskasa jasoz gero, hornitzailea aldatuko lukeela. 

Hala zehazten dute Sotto Tempo Advertising-ek martxoan egindako Customer Observatoriumeko datuek. Ikerketak erakusten du, halaber, erabiltzaileen %72,2k bezero arreta zerbitzuren bat erabili duela azken ekitaldian.

"Pandemiaren etorrerarekin erosketa eta kontsumo ohiturak aldatu egin dira aurten. Erabiltzaileek eta enpresek berehala egokitu izan behar dira errealitate berrira, eta horrek guztiak bezero arreta-zerbitzuaren kontsulta eta zalantza kopurua handitu du."

Ana Banquer, Sotto Tempoko komunikazio zuzendaria

Aurpegia ezagutzeko softwarea erabilera komuneko teknologia bihurtuko da 2025ean. Juniper Researchek argitaratutako txosten baten arabera, 2025ean 1.400 milioi erabiltzaile baino gehiago egongo dira teknika hori erabiltzen, 2020an baino 729 milioi gehiago. 

Txostenaren arabera, gorakada hori Appleren Face ID teknologiari esker izango da, gero eta smartphone marka gehiago ezartzen ari diren teknologiari esker.

Ordainketa-sistema automatizatuak saltzaileek gehien eskatzen dituzten aukeretako bat bihurtu dira. Toshiba Tec enpresak egindako ikerketa baten arabera, teknologia mota honetako inbertsioa %330 handituko da 2021ean, eta 1.740 milioi eurora iritsiko da.

Publizitatearen inbertsioa -%9,6 jaitsi da, pasadan urteko datuekin alderatuta. Hala ere, 2021eko martxoan datuak zertxobait hobetu dira. Aurtengo martxoaren inbertsioa %9,8 hazi da urtetik urtera: 370,9 milioi eurotik, 407,4 milioi eurora. Hala jaso du Infoadex txostenak. 

Hona hemen 2021eko lehen hiruhilekoaren inbertsioaren bilakaera, iazko aldi berarekin alderatuta: