Online publizitateak gora egin du 2021eko lehen hiruhilekoan
Publizitatearen inbertsioa -%9,6 jaitsi da, pasadan urteko datuekin alderatuta. Hala ere, 2021eko martxoan datuak zertxobait hobetu dira. Aurtengo martxoaren inbertsioa %9,8 hazi da urtetik urtera: 370,9 milioi eurotik, 407,4 milioi eurora. Hala jaso du Infoadex txostenak.
Hona hemen 2021eko lehen hiruhilekoaren inbertsioaren bilakaera, iazko aldi berarekin alderatuta:
| Komunikabidea | 1H 2020 | 1H 2021 | Bilakaera (%) |
| Search | 170 | 183,6 | 8 |
| Webgunea (Display + Bideo) | 165,4 | 177,7 | 7,5 |
| Sare sozialak (Display + Bideo) | 111,2 | 124,7 | 12,1 |
| Guztira digitala | 446,6 | 486 | 8,8 |
| Zinema | 4,9 | 0,6 | -86,7 |
| Egunkariak | 69,8 | 50,7 | -27,3 |
| Dominikanalak | 4,1 | 1,9 | -52,6 |
| Kanpoaldeko publizitatea | 78,5 | 35,4 | -54,8 |
| Irratia | 94,3 | 82,5 | -12,6 |
| Aldizkariak | 37,8 | 25,9 | -31,5 |
| Telebista | 439,6 | 379,6 | -13,6 |
| Guztira komunikabideak | 1.175,6 | 1.062,8 | -9,6 |
Inbertsioa eremu digitalean
Inbertsio mailari dagokionez, publizitate digitala lehen postuan kokatuta dago, 486 milioi euro eta %8,8ko hazkundearekin. Honek, publizitate osoaren %45a suposatzen du. Sakonago aztertzen badugu, ikusi dezakegu sare sozialek arrakasta gehien izan dituztela, %12,1eko hazkundearekin. 111,2 milioi eurotik 124,7 milioi eurora pasa dira.
Search (bilaketa-emaitzetako publizitatea) ere %8 egin du gora, 183,6 milioi eurora iritsi arte. Bestalde, webgunetako publizitatea %7,5 handitu da, 177,7 milioi euroko inbertsioarekin lehen hiruhilekoan.
Inbertsioa eremu offline-ean
Datuak ez dira hain oparoak ingurune digitaletik kanpo. Inbertsio handiena egiten duen bigarren komunikabidea telebista da. Hala ere, kasu honetan %13,6 txikitu da, 379,6 milioi euroko inbertsioarekin.
Irratia hirugarren postuan kokatzen da, 82,5 milioi eurorekin. Laugarren postuan, kanpoaldeko publizitatea dago, %54,8ko beherakadarekin. Jarraian, aldizkariak daude, %31,5eko jaitsierarekin.
Pandemiak iraun duen bitartean, zinemak izan da eduki dituen ondoriorik nabarmenenak. Hau, publizitatearen inbertsioan ere islatu da: %86,7 jaitsi da aurreko urtearekin alderatuta, 0,6 milioi euroko publizitate-inbertsioarekin.
Iturria:
By accepting you will be accessing a service provided by a third-party external to https://euscommerce.eus/
