Erabiltzaileen %70ak merkataritza elektronikoan konfiantza dute

Showroomprivek eta Online Konfiantzak egindako "Online Moda Erosteko konfiantzari buruzko Online Konfiantzaren & Showroomprive VI. azterlana"-ren arabera, 2020ko merkataritza elektronikoaren hazkundea egiaztatzen du. Pasadan abenduan egindako ikerketa honek, online kontsumitzaileen poztasunean sakontzen du, honako bi ardatzetan oinarrituta: segurtasuna eta konfiantza.

Nola eta nori erosten diote erabiltzaileek?

Kontsumitzaileen %75ek diote online denda berberetan erosten dutela. Hauen erdiak estatuko online dendetan erostea nahiago dute. 

Azterlanak, beste ondorio nagusi hauek atera ditu: erabiltzaileen hiru laurdenek produktua eta alternatibak sakon aztertzen dituzte. Gainerakoek, bitartekoen iritzietan oinarritzen dira edota erosketa inpultsiboak egiten dituzte. 

Aurrekoa kontuan hartuta…

Nola fidelizatu kontsumitzaile digitalak?

Bezeroak fidelizatzea marken zeregin garrantzitsuenetako bat dela ikus dezakegu. Hona hemen online kontsumitzaileek gehien baloratzen dituzten aldagaiak:

• Prezioa (%60,20). Espero bezala, preziorik onena lortzea faktorerik garrantzitsuna da. 
• Malgutasuna (%47,79). Online denden ezaugarririk nabarienetako bat, uneoro eskuragarri egotea da. 
• Azkartasuna (%39,66). Gaurko kontsumitzailea gero eta zorrotzagoa da entregatzeko epeekin. 
• Fidagarritasuna (%36,80). Salmentak sorrarazteko, segurtasuna transmititzea ezinbestekoa online denda ororentzat. Horretarako, funtsezkoa da SSL ziurtagiria edukitzea. 
• Itzulketa-sistema (%32,81). Erosleak ezin izango du produktua guztiz egiaztatu bere esku artean izan arte, hau da online denden eragozpen handienetako bat. Horregatik, kontsumitzailearen aldeko itzulketa-sistema izateak markarekiko konfiantza handiagoa sortuko du. 
• Erosketa-esperientzia (% 22,11). Webgunearen erabilgarritasun ona funtsezkoa da irudi ona eragiteko, erabiltzaileak bilatzen duena aurkitu eta arin eros dezan.

Honako faktore hauek betez gero, saltokiek bezeroak fidelizatu ahal izango dute beren online dendaren bidez.

Iturria:

• marketing4ecommerce.net