Ordainketa automatizatuak txikizkako merkataritzara iritsi dira

Ordainketa-sistema automatizatuak saltzaileek gehien eskatzen dituzten aukeretako bat bihurtu dira. Toshiba Tec enpresak egindako ikerketa baten arabera, teknologia mota honetako inbertsioa %330 handituko da 2021ean, eta 1.740 milioi eurora iritsiko da.

Txikizkako merkataritzaren arabera, faktore erabakigarria izango da bezeroentzat erosketak egingo dituzten establezimendua aukeratzeko orduan. Izan ere, saltzaileen %78k ordainketa sistema automatizatuak aipatzen dituzte beren negozioetarako irtenbide gisa. Gainera, %21ek adierazi du merkataritzako produktibitatea handitzen duela, dendako langileen esku-hartzeak murriztu egiten baitira. %16k nabarmendu du zerbitzu honek iruzurraren eta galeren kontrol handiagoa edukitzen lagunduko duela, %11k salmenten aukerak eta sustapenak areagotuko direla adierazten du, eta %7k gaineratu du aurrerapena ekarriko duela bezeroaren gogobetetzearen eta merkataritza-estrategien eraginkortasunaren monitorizazioan. 

Datu hauek IDC Retail Insights-en azterlanean ikusitakoarekin bat datoz. Inkestatuen %51k erantzun zuen datozten 24 hilabeteetan zehar, ordainketa-sistema automatizatua ezarriko zuela. 

Normaltasunera behin itzulita, saltoki guztiek bezeroek hautatzea nahi dute. Horregatik, retail sektoreak eraldaketa digitala martxan jarri du eta bere inbertsio teknologikoa handitu du. Ezarri duten teknologiaren artean, ordainketa-zerbitzu automatizatuak aipa ditzakegu, giza-kontaktua murrizteko eta edukieren kontrol handiagoa izateko. 

Datozen hilabeteetan, ordainketa-metodoa erabakigarria izango da bezeroek establezimendu bat ala bestea aukeratzeko orduan. Merkataritza bezeroaren ohitura berrietara moldatu eta normaltasun berrira egokitutako estrategiak garatu beharko ditu.

Iturriak:

• muycanal.com