Image

TicketBAI euskal foru-ogasunek eta Eusko Jaurlaritzak batera garatutako proiektua da, zerga-iruzurraren aurka borrokatzea helburu duena. Bizkaian, Batuz proiektuaren barruan kokatzen da

Zer da TicketBAI?

TicketBAI euskal foru-ogasunek eta Eusko Jaurlaritzak batera garatutako proiektua da, zerga-iruzurraren aurka borrokatzea helburu duena. Bizkaian, Batuz proiektuaren barruan kokatzen da.

Nahitaez bete behar dute jarduera ekonomiko bat egiten duten eta zerga-egoitza Euskal Autonomia Erkidegoan duten enpresa eta langile autonomo guztiek. Arauak ezartzen duenez, negozio guztiek beren fakturazio-sistemak egokitu beharko dituzte, lurralde-ogasunak negozioak egindako salmenten berehalako informazioa eskuratu ahal izan dezan. Horrela, salmentak automatikoki aitortzen dira.

Beraz, negozio guztiek TicketBAI sistemara egokitutako ekipamendu informatikoa izan beharko dute.

Image

Egutegia

Legegintza-esparru komuna dagoen arren, aldundi bakoitzak zehazten ditu hura abian jartzeko datak eta epeak. Ikus dezagun horietako bakoitzean nola dagoen aurreikusita:

Arabako Foru Aldundia

2022tik zehar ditu ondorioak, nahiz eta mailaka ezarriko den.

Bizkaiko Foru Aldundia

Borondatezko aldia 2020ko urriaren 1etik hasi eta 2021ean zehar luzatzen da.

Nahitaezkoa izango da 2022ko urtarrilaren 1etik aurrera sektore guztientzat.

Gipuzkoako Foru Aldundia

2021ean zehar borondatezkoa da.

2022ko maiatzaren 1a da nahitaez ezartzeko data txikizkako merkataritzarentzat.

Nola funtzionatzen du?

Zure saltokiak, salmenta egin ondoren, honetaz bakarrik arduratu behar du:

  • Saldutako produktuak zure fakturazio-sisteman sartzea. Balantza bat balitz, produktuak pisatuko zenituzke.
  • Tiketa jaulkitzeko eskatzea.
Image

Jarraian, zure esku-hartzerik gabe, zure TicketBAI fakturazio-sistemak honako ekintza hauek egingo ditu, hurrenkera honetan:

1
TicketBAI fitxategi bakarra sortuko du, araudian zehaztutako formatuarekin eta edukiarekin. Bertan, beste informazio batzuen artean, egungo fakturaren/tiketaren datu espezifikoak jasoko dira, baita aurreko fakturaren/tiketaren, softwarearen fabrikatzailearen… datuak ere.
2
Sistemak elektronikoki sinatuko du TicketBAI fitxategia, ezarritako eskakizunen arabera. Horrela, tiketa/faktura jaulki ondoren, hura manipulatzea edo ezabatzea galarazten da.
3
Automatikoki, sortutako TicketBAI fitxategia dagokion ogasunari igorriko zaio, ezarritako epeetan eta administrazio bakoitzaren araudiaren arabera.
4
TicketBAI (TBAI) identifikazio-kode bat eta QR kode bat sortuko dira, ezarritako zehaztapen tekniko eta funtzionalen arabera.
5
Bezeroari formatu fisikoan edo elektronikoan entregatzeko tiketa/faktura sortuko da, TBAI kodea eta QR kodea erantsita.

Fakturak zuzentzeko eta deuseztatzeko jardunbide osoak indarrean jarraitzen du sistema berri honekin.

TBAI identifikatzailea

TBAI identifikatzailea

Kode bakarra da, eta sistema honen arabera sortutako tiketa/faktura identifikatzen du.

QR kodea

QR kodea

QR kodea eskaneatuta, tiketa/faktura Ogasunean entregatu den kontsultatu dezake bezeroak.

Gorabeherak

1. kasuistika

Kontsumitzaileari tiketa/faktura eman diezaiokezu, baina Interneterako konexio-arazo batengatik ezin diozu Ogasunari dagokion TicketBAI fitxategia bidali.

Zure TicketBAI fakturazio-sistemak sortutako fitxategi guztiak metatuko ditu, eta Ogasunera bidaliko ditu konexioa berrezartzen denean.

2. kasuistika:

Zure fakturazio-sisteman matxura bat egoteagatik ezin baduzu fakturatu eta, hortaz, ezin baduzu tiketa/faktura jaulki / kontsumitzaileari entregatu:

  • Egiaztagiri bat “eskura” emango diozu.
  • Gorabeheraren berri emango diozu
  • Sistema berrezartzen denean, jaulkitako egiaztagiri guztien datuak sartu beharko dituzu zure TicketBAI fakturazio-sisteman, hurrenez hurren.