Edozein e-commerce-n helburua salmentak hobetzea da baina, zer gertatzen da ez ditugunean espero genituen emaitzak lortzen? Batzuetan onurarik bueltatzen ez digun denda online baten lan egitea frustagarria izan liteke eta, nahiz eta merkataritza elektronikoa hurrengo urteetara begira hazkuntza potentzial handienetariko sektorea bihurtu den, agian oraindik ez duzu zure bezeroengana iristeko gakoa aurkitu. eus-COMMERCE-n aholku batzuk ematen dizkizugu zure denda online-a bisitatzen duten bezeroak liluratzeko.
Pandemiak krisi sanitarioa, soziala eta ekonomikoa eragin du, eta zuzeneko eragina izan du enpresetan. Enpresek pandemiaren testuingurura egokitu eta kostuak murriztu behar izan dituzte. Hala ere, susperraldi ekonomikoaren lehen faseetara hurbiltzen ari gara, eta hori publizitate-inbertsioan islatu da, zehatzago publizitate digitalean.
Sare sozialak etengabe aldatu dira azken urteotan. Hasieran denbora-pasa gisa ikusten ziren, baina gero eta gehiago erabiltzen hasi dira eta sare sozialak ulertzeko modu berri bat sortu da. Interneten presentzia duen edozein saltokirentzat irismen handiko erakusleihoa da, eta bezero potentzialen arreta erakartzeko aukera ematen du, ia planetako edozein lekutan. Baina gure bezeroekiko komunikazioa hobetzeko eta zerbitzu eraginkorragoa eskaintzeko ere erabil ditzakegu. Eus-COMMERCEn gakoak ematen dizkizugu zure sare sozialei ahalik eta etekinik handiena ateratzeko eta bezeroarentzako arreta-zerbitzurik onena eskaintzeko.
Badirudi albiste onak etengabe iristen direla merkataritza elektronikora. Izan ere, sektoreak % 30 eta % 50 arteko hazkundea izatea espero da. Azken urteotan etengabe gertatu den hazkundea da, eta, zorionez, ez du epe labur edo ertainera gelditzeko zantzurik erakusten. eus-COMMERCEk 2022an merkataritza elektronikoaren igoeraren atzean dauden gakoak ematen dizkizu.
Azken urteotan digitalizazioa funtsezko elementu bihurtu da edozein saltokiren biziraupenerako. Ondo planifikatutako eta egitura sendoa duen eraldaketa digital batek mesede egingo dio, zalantzarik gabe, saltoki txikiei, eta epe luzera emaitza handiak lortzea ahalbidetuko du. Oraindik askok gainditu gabeko gaia da, baina eus-COMMERCEn digitalizazioaren oinarrizko zutabeak zeintzuk diren eta horiek zure negozioan nola aplikatu azaltzen dizugu.
Prezioa da, zalantzarik gabe, edozein saltokitako faktore garrantzitsuenetako bat, batez ere bezeroari begira. Izan ere, prezio bat edo bestea ezartzeak zehaztuko du zer bezero motak erosiko digun, eta, ondorioz, rol erabakigarria izango du lortzen ditugun mozkinetan. Interneten presentzia duen edozein saltokik ulertu behar du prezioa edozein marketin-estrategiaren zutabeetako bat dela. eus-COMMERCEn gako batzuk ematen dizkizugu zure prezioak eraginkortasunez kudeatzeko eta zure onurak bultzatzeko.
Facebookek Metak izena aldatu zuela eta unibertso birtual bihurtzeko asmoa zuela iragarri zuenetik, askok galdetu dute aldaketa horrek nola eragingo dion sare sozialen erabilerari. Izan ere, enpresa ezagutzen diren ia plataforma guztien jabea da: WhatsApp, Instagram, Facebook bera… Interneten presentzia duen merkataritza ororentzat erronka berri bat da, baina baita aukera-unibertso — edo metabertso — berri bat ere. eus-COMMERCE-n argibide guztiak ematen dizkizugu joera horiek guztiak zure negozioan aplikatu ahal izateko.
Duela gutxi arte, ordainketa-metodoen kontzeptua ia ezezaguna zen pertsona gehienentzat. Eguneroko erosketak moneta tradizionala ez den beste metodo bat erabiliz egiteko ideia ia pentsaezina zen. Baina Interneten agerpenak eta, ondorioz, sarearen bidezko erosketek, ordainketa-metodo berriak sortzea eragin zuten. Eta, sarean elkarrekin bizi diren gainerako elementuek bezala, horiek ere etengabe aldatzen dira. eus-COMMERCE-k 2022-an zehar agertuko diren joeren berri ematen dizu.
Merkataritza digitalaren gorakadak aurrekaririk gabeko aukera eta posibilitate ugari ekarri ditu. Eskaintza hain zabala da, ezen gero eta zailagoa baita kontsumitzaileak marka bati leial eustea eta sarean dauden antzeko ezaugarriak dituzten beste batzuei erakartzea ez uztea. Zer egin dezake saltoki batek honen aurrean? eus-COMMERCE-n gakoak emango dizkizugu.
Ingurune digitala etengabe mugitzen ari den mundua da. Etengabe sortzen dira online merkataritza aldatzen duten erosketa-, ordainketa- eta bidalketa-modalitate berriak. Izan ere, merkataritza digitalaren ardatza ere, bezeroa, azkar aldatzen da eta erosteko ohitura eta lehentasun berriak garatzen ditu. Eus-COMMERCEn tokiko merkataritzaren digitalizazioaren aldeko apustua egiten dugu, eta 2022an zein joerari jarraitu behar zaion jakinarazten dizugu.
Merkataritzaren eraldaketa digitalak aldaketa ugari ekarri ditu, bai merkatariei bai bezeroei eragiten dietenak. Garaiak aldatu egin dira, eta, horrekin batera, negozio baten eta haren produktuen inguruko itxaropenak. Eskura ditugun tresna digitalez baliatzen jakitea ezinbestekoa bihurtu da. Ezagutu aplikazio digital optimoa izateko gakoak! Sarean ...
Kontsumo-ohiturak etengabe aldatzen dira, eta atzora arte berriak ziren erosketa-metodoak, bat-batean, atzean geratzen hasten dira. Online merkataritza da horren adibide garbia. Zalantzarik gabe, kontsumitzaile gazteenek gehien erabiltzen duten erosketa-kanala da, gero eta produktu gehiago erosten baitituzte. Zer etorkizun dago Internet bidezko ero...
Ez da sekretua pandemiak izugarri aldatu duela kontsumitzailearen portaera maila globalean. Internet bidezko erosketek gora egin dute, eta, aldi berean, publizitatean inbertsio handiagoa egin da. Negozio baten erakusleiho handiena sare sozialak dira, eta Emplifik berriki argitaratutako txosten batek berretsi besterik ez du egiten. Facebookeko eta I...
Orain arte, funtzio hori egiaztatutako kontuetarako edo 10.000 jarraitzaile baino gehiagoko kontuetarako bakarrik zegoen erabilgarri, baina, azkenik, sare sozialaren erabiltzaile guztiek erabil dezakete. Oso berri ona da batez ere tokiko saltoki txikientzat, alegia haien produktuak profilaren bidez sustatu eta lotu ahal izango baitituzte.
Nahiz eta Instagram argazkiak editatu eta partekatzeko asmatua izan, aspaldi hasi zen bere funtzioak aldatzen, eduki edo negozioen sortzaileak erakartzeko, besteak beste. Eguneratze berri horrek filosofia hau jarraitzen du. Orain, estekak gure storietan sartuko dira, etiketen bidez.
Etiketa horiek inkestetarako edo abestietarako erabiltzen direnen antzera funtzionatuko dute, eta kustomizagarriak izango dira. Kokapena, tamaina eta abar alda ditzakegu, zer transmititu edo sustatu nahi dugun kontuan hartuta. Sare sozialeko arduradunek espero dute estekak sartzeko modu berri horrek erabiltzaileen arteko komunikazioa sustatzea. Negozioen kasuan, bezeroak negozioekin gertutasun handiagoz kontaktatu eta elkarreragin ahal izatea espero da.
Abantailak saltoki txikientzat
Funtzionalitate hori inplementatzeak hainbat abantaila dakartza. Alde batetik, gure argitalpenen kustomizazio handiagoak marka-irudi uniformeagoa, argiagoa eta pertsonalagoa transmititzeko aukera ematen digu. Gainera, gure jarraitzaileekin elkarreragin hurbilagoa mantendu ahal izateak salmentari ez ezik, fidelizazioari ere mesede egingo dio.
Zalantzarik gabe, ezinbesteko funtzioa da saltoki txikientzat, orain arte Instagrameko baldintzek mugatzen baitzituzten haren aukerak. Ziur aski hainbat berrikuspen eta eguneratze egingo diren arren, stories bidezko estekak errealitate dira dagoeneko sare sozialeko profil guztientzat.
eus-COMMERCE-kin marketineko eta kontsumoko azken joeren berri izango duzu, eta zure negozioa bultzatzeko sektore digitaleko azken tresnak erabiltzen ikasiko duzu.
Iturriak:
Oraindik itzulpenik ez duen kontzeptu berria den arren, fulfillment-a kontuan hartu beharreko faktoreetako bat bihurtzen ari da online presentzia duen edozein negoziotan. Terminoak saltoki batek jasotzen dituen eskaerak prestatzeko eta bidaltzeko prozesu guztiak biltzen ditu.
Ez da sekretua bezeroak gero eta zorrotzagoak direla, eta saltoki baten aldetik (batez ere online saltokien aldetik) eraginkortasun handiena espero dute. Gure eskura dauden tresna informatikoak erabiltzea ezinbestekoa da biltegiaren kudeaketa eraginkorra egiteko. Ahalik eta prozesu gehien automatizatzen saiatu behar dugu, ahalik eta marjina txikiena giza akatsei utziz.
E-commerce baten kasuan, fullfilment-a bereziki beharrezkoa da, batez ere negozioa nabarmentzen hasten denean eta eskaera-bolumen handiagoa jasotzen dugunean. Enpresa batzuek prozesu hori kanpora ateratzea edo horretarako sail propioa sortzea erabakitzen dute. Hala ere, guztiz posible da fulfillment-a zure kontura ezartzea, are gehiago, positiboa da erakundean denbora inbertitzea eta negozioa optimizatzea.
Zer da picking-a eta packing-a?
Gure biltegia modu ezin hobean kudeatzeko, picking zerrendak sortzea da aukerarik onenetariko bat. Zerrenda horiek gure produktu guztiak kategoria desberdinetan sailkatu eta ordenatzen dituzte, hautaketa-prozesua arintzeko. Honen ondoren packing-a dator, produktuak eskaneatuko dituena bidaltzeko prest edukitzeko. Azkenik, garraio-enpresa egokia izateaz ziurtatu behar gara, bezeroak une oro jakin dezan bere eskaeraren egoera.
Tresna horiek erabiltzen baditugu, gure eskaerak modu ezin hobean administratzea lortuko dugu, garraiolaria iritsi orduko garaiz eta adostutako epeen barruan bezeroari entregatzeko prest daudela ziurtatuz. Bai negozio txikientzat baita saltoki handientzat ere, gure zerbitzua hobetzea ezinbestekoa da beti, bezeroa pozik dagoela eta gugan konfiantza izan nahi duela sustatzeko. eus-COMMERCEn tokiko merkataritzari bere ezaugarriak eta, ondorioz, salmentak ahalik eta gehien indartzeko behar dituen tresnak ematen ahalegintzen gara. Bisita gaitzazu albiste, baliabide eta kasu arrakastatsu gehiagorako!
Iturriak:
Zalantzarik gabe, sare sozialak pertsona gehienen egunerokotasunaren parte dira. Merkataritzarentzat hori aurrekaririk gabeko erakusleihoa da, esposizio-maila ezohikoak lortzeko aukera ematen diguna. Gaur egun, ezinbestekoa da plataforma nagusietan profilak izateaz gain, horiek nola erabiltzen ikastea, ahalik eta etekinik handiena ateratzeko.
Sare sozialek aukera ematen digute gure bezeroekin elkarreragiteko eta, beraz, haien eskaerak eta beharrak ulertzeko. Baina gure bezeroekin harreman estuagoa ezartzeaz gain, bezero potentzialengana iritsi eta erakarri ahal izango ditugu, hain hedapen-maila handiko tresna baita.
Ia enpresa guztiek dituzte profilak sare sozialen batean edo bestean, gure lehiakideak barne. Horrek aukera ematen du sakonago aztertzeko eta azterketa honen emaitzen inguruan geure estrategiak planifikatzeko. Bestalde, beste negozio eta profesional batzuekin harremanak izateko gai izango gara.
Abantaila horietatik ahalik eta etekinik handiena ateratzeko, ezinbestekoa da kontu handiz planifikatutako estrategia bat izatea. Internet bidezko erosketen gorakadarekin, community manager delakoak garrantzia hartu du, gure profilak sare sozialetan administratzen baititu. Bitarteko hori menperatuko duen figura bat edukitzeak estrategia argi eta zehatz bat definitzea ahalbidetuko digu, bezero berriak erakarriko dituena, lehendik ditugun bezeroak fidelizatuko dituena eta onurak ekarriko dizkiguna.
Iturria: marketingandweb.es
Smartme Analytics-ek, hainbat konpainiatako ordezkariekin egindako mahai-inguru baten bidez, kontsumitzaile digital berria eta horrek merkataritzari dakarkion guztia aztertu du berriki. Aurreko urteetan gertatzen ari bazen ere, pandemiak ikus-entzunezko edukien gorakada ekarri zuen. Orain bezeroak gero eta gehiago eskatzen du eduki mota hori, eta, beraz, ezinbestekoa da ulertzea ahalik eta etekinik handiena atera ahal izateko.
Joerek adierazten dute argazkiaren arotik bideoaren arora pasatzen ari garela. TikTok bezalako sare sozial berrien edo Ibai Llanos bezalako eduki-sortzaileen arrakastak hala adierazten duela dirudi. Konfinamenduko hilabeteetan kontsumitzaileek gero eta eragin handiagoa izan zuten ikus-entzunezkoen munduan, eta eragin hori mantendu egin da gaur arte.
Mahai-inguru horretan, Playstation edo MásMóvil bezalako konpainia liderrek parte hartu zuten, eta beren esperientziak eta arrakasta kasuak aurkezteko aukera izan zuten. Denek uste dute ikus-entzunezkoen sektorea hazten ari dela, eta, gainera, hainbat arlotako aniztasuna estaltzeko gai dela.
Merkatariek beren negozioen publizitaterako kontuan hartu beharreko kanal berri bat den arren, garrantzitsua da kontsumitzailea ezagutzea. Negozio bakoitzak bere audientzia du, eta baliteke orain arte saltoki txikiek nahikoa izan izana bide tradizionalagoekin, baina argi dago ikus-entzunezkoen sektorea ez dela alde batera utzi behar.
Iturria: marketingdirecto.com
Apache Digital eta Appinok argitaratu berri duten azterlan baten arabera, inkestatutako kontsumitzaileen % 70 dendetan gehiago kontsumitzeko prest egongo lirateke balorazio positiboak dituztenean. Gainera, % 46k uste du online erreseinek eragina dutela beren erosketetan, eta zifra hori % 60ra igotzen da gazteen kasuan.
Txostenaren arabera, 3,97/5 da balorazio positiboaren eta neutroaren arteko muga. Beraz, saltoki batek bere online puntuazioa zifra horren gainetik jartzen saiatu behar du. Nota 2,31tik beherakoa bada, balorazio negatiboaz ari gara, eta, beraz, litekeena da gure bezero potentzialek gure establezimenduan konfiantzarik ez izatea.
Elektronikaren, osasunaren, edertasunaren edo etxetresna elektrikoen sektoreetan dute eragin handiena bezeroen balorazioek. 25 urtetik beherakoen artean kirola eta hezkuntza ere agertzen dira. Era berean, ikerketak erakusten du kontsumitzaileak gehiago ordaintzeko prest daudela oinetakoak, seme-alaben zaintza, maskotak eta elikadura bezalako sektoreetan.
Puntuazioa ez da garrantzitsua bakarrik, bezeroak erreseina kopurua ere baloratzen du, 50 eta 200 artean kokatu beharko liratekeenak. Gure merkataritza etorkizuneko bezeroentzat erakargarria izan dadin, garrantzitsua da gure balorazioak kudeatzea eta gure bezeroak gu baloratzera bultzatzea. Horrela, beste kontsumitzaile batzuk gure saltokira erakarriko ditugu.
- Iturria: marketingdirecto.com
Beste eskualde batzuetan erabilgarri bazegoen ere, duela gutxi Pinterestek Europako hainbat eskualdetan (Espainian, Italian eta Suitzan, besteak beste) online erosketa-funtzioak gaitu ditu. Erosketa horiek hainbat modutan egin daitezke sare sozialaren bidez.
Alde batetik, bilaketa bat egitean, aplikazioak berak antzeko ezaugarriak dituzten produktuak iradokiko ditu. Erabiltzaileak mundu errealeko produktuei argazkiak ateratzeko aukera ere izango du, eta Pinterestek beste produktu erlazionatu batzuk gomendatuko ditu. Azkenik, "Tienda" izeneko atala ezarriko da erabiltzaile guztientzat, eta eskuragarri dauden produktuak iradokiko ditu, erabiltzaileak sare sozialean duen jardueran oinarrituta.
Saltoki txikientzat, Pinterestek merkatari egiaztatuen programa abiarazi du. Programa horren bidez, kalitate-irizpide jakin batzuk betetzen dituen edozein negoziok saltzaile gisa egiaztatzen duen egiaztapen-marka bat lortuko du. Halaber, dendek beren produktuak profilean erakutsi ahal izango dituzte, eta kategoriaka etiketatu, saltzeko.
Orain arte, Pinterest erabiltzaileek gehien bisitatutako webguneetako bat izan da, etorkizuneko erosketetarako inspirazioa bilatzeko. Funtzionalitate berri horiekin, sare sozialaren sortzaileek beste urrats bat eman nahi dute, eta modu zuzen, fidagarri eta seguruan erosketak egin ahal izateko plataforma bihurtu.
- Iturria: Marketing4ecommerce.net
Zalantzarik gabe, online erosketak geratzeko iritsi dira. Ordainketa-metodo malguagoak erabiltzea oso garrantzitsua bihurtu da saltokientzat, baina batez ere bezeroentzat, gero eta zorrotzagoak baitira online merkataritzarekin. Ordainketa 4tan metodo berri bat da, erosleari bere aurrekontua handitzeko eta ordainketei modu malguago baten aurre egite...
2021eko black friday azaroaren 26an ospatuko da. Zalantzarik gabe, merkataritzarentzat zein kontsumitzailearentzat garrantzi handiena hartzen ari diren ekitaldietako bat da. Sitecorek egindako ikerketa batek 2021 honetako black fridayaren gakoak azaldu ditu. Ez da sekretua black friday Gabonetako erosketak aldez aurretik eta merkeago egiteko ...
Twitterrek funtzionalitate berria aurkeztu berri du: Komunitateak. Funtzionalitate berri honen helburua kontu eta jarraitzaileen arteko komunikazio zuzenagoa ahalbidetuko duten taldeak sortzea da. Tokiko merkataritzarentzat, kontsumitzailearekin harremanetan jartzeko modu berri bat da.Komunitateek aukera ematen diote Twitterreko edozein erabiltzail...
Facebookek bere sare sozialetan (Facebook, Instagram eta WhatsApp) martxan jarri dituen funtzionalitateen berri eman du saltoki txikiei laguntzeko, beste behin ere.
Erabiltzaileen %75ek adierazi du markekin zuzen komunikatu nahi direla. Horregatik, Facebookek hainbat funtzionalitate abian jarri ditu posible izateko.
Tiktoken algoritmoa erabiltzaileek sare sozial honetan denbora igarotzeko eraginkorrenetako bat da. Erabilitzaileen konportamendua oso denbora gutxian ikasten eta pertsona bakoitzari gustatzen zaion edukia azkar erakustea lortzen du.
Astound Commerce-ek egindako '2021 Global Consumer Survey Report' inkestaren arabera, sare sozialen bidezko erosketak %31,4 haziko dira urtero 2027ra arte. Horrek esan nahi du plataforma horien erabiltzaileek 500.000 milioi euro baino gehiago gastatuko dituztela urtebetean.
Astound Espainia eta Portugaleko arduradunak azaldu duenez:
Gero eta saltoki gehiagok sare sozialen bidez saltzea erabaki dute, baina plataforma horiek nola funtzionatzen duten ez dakitenez, haien irismen-maila eskasa izaten da. Konponbide gisa, Facebookek erabaki du tokiko negozioei laguntzea argitalpen interesgarriak egiten. Horretarako, profesionalentzako baliabide-zentroa habian jarri du.
Bertan, erabiltzaileek antzeko kontuen argitalpen arrakastatsuak aurkituko dituzte. Horrela, negozio txikiek jakingo dute nola marka handiek lortzen duten sare sozial honetan duten arrakasta.
Dena dela, gero eta saltoki gehiagok egiten dute beren online denda. Horietako askorentzat mundu berria da.
Duela urte gutxi, tokiko negozioen online denda gutxi zeuden. Marketplace handiak ziren Interneten bidez saltzen zuten bakarrak. Gaur egun, lehen baino askoz gehiago daude, eta horregatik taktika onak martxan jartzea erabakigarria izango da negozio txikientzat.
Instagrameko Reels-ak erabiltzaileek gehien erabiltzen dituzten funtzionalitateetako bat bihurtu dira. Zer eduki mota egin jakiteko, garrantzitsua da aldez aurretik sare sozialaren algoritmoaren funtzionamendua ezagutzea.
Social Mediari buruzko IMAGINA lehen barometroak, Instagram enpresentzako kanalik erabiliena eta eraginkorrena dela adierazten du. Azterlanak enpresek sare sozialetan dituzten helburuak, lehentasunak, aurreikuspenak eta emaitzak aztertu ditu. Instagram da, %40,7rekin, konpainiei emaitza onenak ematen dizkiena.
Marka ororen helburua bere publikoarengana iristea eta harremanetan egotea. Horietatik laurdenek Instagram erabiltzen dute hori lortzeko.
Urtebeteko pandemiaren ondoren, online erosketek %76ko gorakada izan dute 16 eta 70 urte bitarteko pertsonen artean. 2020an konfinamenduan %72 gora egin zuten. Datu horien arabera, 25,8 milioi pertsonak online erosi dute.Online erosketaren protagonistak 34 urtetik beherakoak dira (%83). IAB Spainen 'E-commerce 2021' ikerketak, Elogiaren laguntzarek...
