Kontsumitzaileen 3/4ak bezeroarekiko arretak eragina duela uste du erosteko erabakian

Kontsumitzaileen %74,6k uste du bezeroarekiko arretak eragin zuzena duela erosteko erabakian. Bestalde, %75,6k adierazi du, bezero arreta zerbitzu eskasa jasoz gero, hornitzailea aldatuko lukeela. 

Hala zehazten dute Sotto Tempo Advertising-ek martxoan egindako Customer Observatoriumeko datuek. Ikerketak erakusten du, halaber, erabiltzaileen %72,2k bezero arreta zerbitzuren bat erabili duela azken ekitaldian.

"Pandemiaren etorrerarekin erosketa eta kontsumo ohiturak aldatu egin dira aurten. Erabiltzaileek eta enpresek berehala egokitu izan behar dira errealitate berrira, eta horrek guztiak bezero arreta-zerbitzuaren kontsulta eta zalantza kopurua handitu du."

Ana Banquer, Sotto Tempoko komunikazio zuzendaria

Pandemiak kontsumitzaileen ohiturak aldatu ditu, eta aldaketa hori bezero arreta zerbitzura ere iritsi da. Inkestatuen %28,1ek adierazi du pandemian zehar maizago erabili dituela bezero arreta-zerbitzuak. Hala nola, horien %30ek zerbitzu egokia aurkitu du.

Bezeroarentzako arreta premia biziko produktuen online erosketaren sektoreetan

Kasu gehienetan (%53), erabiltzaileek bezeroarentzako arreta-zerbitzua erabili dute beren zerbitzuei buruzko informazioa eskatzeko. Bezeroari arreta emateko zerbitzua erabiltzerakoan garrantzi gehien ematen duten alderdiak azkartasuna, itxarote-denbora eta enpatia dira. 

Premia biziko produktuak online erosteari dagokionez, %49,5ek adierazi du ekintza hori azken urtean egin duela, %26,5ek lehen aldiz. Zerbitzu horren balorazioa handiagoa da osasun-aseguruena baino, batez bestekoa 10etik 7,9koa baita. 

Erosleen %27,35ek bezeroarentzako arreta-zerbitzua erabili behar izan du erosketa-prozesuan, %28,35ek eskaerei buruzko informazioa eskatzeko, %27,73k aldaketak edo itzulketak egiteko eta %25,86k erreklamazio edo kexaren bat egiteko. 

Iturria:

• relacioncliente.es