Sare sozialen bidezko erosketak etorkizun berri bat ireki du online merkataritzaren etorkizunean

Kontsumo-ohiturak etengabe aldatzen dira, eta atzora arte berriak ziren erosketa-metodoak, bat-batean, atzean geratzen hasten dira. Online merkataritza da horren adibide garbia. Zalantzarik gabe, kontsumitzaile gazteenek gehien erabiltzen duten erosketa-kanala da, gero eta produktu gehiago erosten baitituzte. Zer etorkizun dago Internet bidezko erosketentzat?

Aurten, kontsumitzaileek batez beste 89 euro gastatu dituzte erosketa bakoitzeko, eta 68 euro, berriz, 2020an. Igoera nahiko esanguratsua izan da 12 hilabetean. Gainera, hilean lau produktu inguru erosten dira.

Erosleek produktu bat erosterakoan dituzten motibazio nagusiak komenigarritasuna, eskaintza eta prezioa dira. Baina oso gertutik begiratu behar zaio gomendioen hazkundeari motibatzaile gisa. 16 eta 24 urte bitarteko erosleen % 92k dio gomendioei eragiten uzten diela erosketa bat egin aurretik.

Zer dira sare sozialen bidezko erosketak?

Faktore horiek online erosteko metodo berriak sortzen laguntzen dute, eta horien artean, social commerce edo sare sozialen bidezko merkataritza deritzona nabarmentzen da. Zer nabarmentzen da modalitate berri honetatik? Berehalakotasuna. Erabiltzaileak produktu bat sare sozialetan ikusten du, interesatzen zaio, eta zuzenean plataformatik bertatik erosten du, bitartekaririk gabe. Nahiz eta oraindik ezin den erosketa prozesua amaitu aplikazioa utzi gabe (ordainketa, adibidez, aplikaziotik kanpo egiten da), aurrerapen bat da erosketa denborarekiko.

Nola lortzen dute enpresek sare sozialetan erosleengana iristea? Plataforma horiek erabiltzaileen eguneroko jardueratik ateratzen diren datuak erabiltzen dituzte iragarki pertsonalizatuak erakusteko, eta, beraz, iragarkiak bistaratzen dituzte beren interesen arabera. Erabiltzaile horiek argitaratzen duten edukiari ere adi egon behar da, gure produktuak aipatuz gero salmentak sustatzeko urrezko aukera baita. Azkenik, sareek bezeroarekin duten elkarreragin zuzenak bezeroarentzako arreta-zerbitzua hurbilago kudeatzeko aukera ere eman diezaioke gure negozioari.

Momentuz Facebook eta Instagram dira merkatu berri honen buru, eta Whatsapp, Youtube edo Twitter plataformetan ere badago. Gehien erosten diren produktuen artean modakoak, edertasunekoak eta aisialdikoak daude. Nola eragingo dio merkatuari sare sozialen bidezko erosketaren agerpenak? Ikusteko dago, baina, zalantzarik gabe, online presentzia duen edozein negoziok gertutik jarraitu beharko lukeen fenomenoa da.

eus-COMMERCE-k laguntza ematen dio tokiko merkataritzari zure saltokiaren digitalizazioan. Bisita gaitzazu albiste, tutorial eta beste tresna batzuetarako.

Iturriak:

• marketingdirecto.com
• elpais.com