E-commerce-aren etorkizuna erabakiko duten gakoak

Ingurune digitala etengabe mugitzen ari den mundua da. Etengabe sortzen dira online merkataritza aldatzen duten erosketa-, ordainketa- eta bidalketa-modalitate berriak. Izan ere, merkataritza digitalaren ardatza ere, bezeroa, azkar aldatzen da eta erosteko ohitura eta lehentasun berriak garatzen ditu. Eus-COMMERCEn tokiko merkataritzaren digitalizazioaren aldeko apustua egiten dugu, eta 2022an zein joerari jarraitu behar zaion jakinarazten dizugu.

Eus-COMMERCEn lehen ere hitz egin dugu sare sozialen bidezko erosketen gorakadaz. Eta badirudi salerosketa modalitate berri honek gora egiten jarraituko duela 2022an. Erosketa mota hauen erabiltzaileak gehien erakartzen dituena erosteko erraztasuna da, sare sozialak erabiltzen ditugun bitartean produktuak erosteko aukera ematen baitu, inoiz bertan behera utzi behar izan gabe. Irismena handitu nahi duen online merkataritza orok kontuan hartu beharreko elementua, zalantzarik gabe.

Ordainketa-metodoak ere faktore erabakigarria dira erabiltzailearentzat Internet bidezko erosketa bat egiteko (edo ez). Oro har, kreditu-txartelaren edo zordunketaren bidezko ordainketa da erabiltzaile gehienek gogokoen duten metodoa. Baina ez diegu arreta jarri behar sortzen hasi diren ordaintzeko modu berriei. Gure produktuak publiko gazteari zuzenduta badaude, adibidez, kontuan izan behar da diru-zorro digitalen erabilera azkar zabaltzen ari dela 16 eta 24 urte bitarteko erabiltzaileengan. 

Iraunkortasuna eta erabiltzaile esperientzia, goraka doazen faktoreak 

Goranzko joera duten faktoreen artean, iraunkortasuna ere nabarmentzen da, azken bost urteetan bilaketa-bolumena % 342 handitu baita. Hori bai, oraindik ikusteke dago iraunkortasunaren inguruko interes hori produktu jasangarriak erosteko prestasun handiagoan islatzen den ala ez. Oraingoz, erabiltzaileen ia % 60k dio ez dagoela prest horrelako produktuengatik gehiago ordaintzeko.

Azkenik, erabiltzailearen erosketa-esperientzia hobetzen laguntzen duten hainbat elementu hartu behar dira kontuan. Produktuaren argazkiek beti hobetzen dituzte erosteko aukerak, baina, gainera, produktua bideo formatuan erakustea funtsezko faktoreetako bat da salmentei dagokienez. Beste batzuk laguntza-txatak, iragarki pertsonalizatuak eta abar dira.

Zalantzarik gabe, komeni da joera horiek guztiak kontuan hartzea 2022rako, gure salmentak handitzeko eta erabiltzailea hobeto gogobetetzeko. Bisita ezazu eus-COMMERCE urtean zehar e-commercen etortzeke dauden aldaketa guztiak egunean izateko.

Iturriak:

• marketing4ecommerce.net
• informabtl.com