Zure itzulketak kudeatzeko aholkuak

E-commerce batean erosten diren produktuak itzultzeko tasa % 30era irits daiteke, kontsumo handiko garaian, ehunekoa % 60raino igoz. Argi dago gero eta ohikoagoa dela merkataritza elektronikoko dendetan erosten ditugun produktuak itzultzea, eta dendak egoitza fisikorik ez badu, itzulketaren kudeaketa pixka bat zailagoa izan daiteke.

Egia esan, enpresa askok arazoak izaten dituzte itzulketak kudeatzeko orduan, baina ezinbestekoa da alderdi horretan arreta berezia jartzea, erabiltzaile-esperientziaren zati garrantzitsua baita. Eus-COMMERCEn zenbait aholku partekatzen dizkizuegu e-commerce bidezko itzulketa-prozesua modu eraginkorrean kudeatzeko.

Nola kudeatu zure itzulketak 

 Enpresek prest egon behar dute bezeroek etxean jasotzen dituzten produktuen itzulketa kudeatzeko. Horretarako, enpresa guztiek kontuan hartu beharreko alderdi batzuk ezarri ditugu.

• Itzulketa-politika argiak ezartzea

Saltoki guztiek dute web-orrian atal bat eskuragarri izateko legezko betebeharra, enpresaren itzulketa-politikak zein diren argi eta garbi azaltzeko. Dokumentu hori argi eta garbi idatzita egon behar da eta erabiltzaile guztientzat eskuragarri, gaizki-ulerturik egon ez dadin.

• Itzulketa-epeak zehaztea

Legeak ezartzen du bezeroak gutxienez 14 eguneko epea duela nahi dituen produktuak itzultzeko, eta epe hori inola ere murriztu ezin bada ere, enpresak egokitzat jotzen duen denbora luza daitekeela. Dirua itzultzeko epea luzatzeak nabarmen hobetu dezake bezeroaren esperientzia, askatasun handiagoa eskaintzen baitzaio erosi dituen produktuei buruz erabakitzeko orduan.

• Itzulketetan mugak ezartzea

Enpresek eskubidea dute zenbait produktutan muga batzuk ezartzeko, baina osasun-kontuengatik ezin dituzte berriro merkaturatu. Adibidez, barruko arropa edo elikagaiak. Kasu horietan, enpresak berariaz aipatu behar ditu itzuli ezin diren produktuak.

• Denda fisikoan itzulketa sustatzea

Enpresa askok online salmentaren aldeko apustua egitea erabakitzen dute, nahiz eta denda fisiko bat izan. Hala badagokio, beti da gomendagarria denda fisikoan erositako produktuak itzuli ahal izateko aukera eskaintzea, logistikan diru asko aurrezten lagunduko baitizu.

Enpresek errealitate digital berrira egokitu behar dute. eus-COMMERCE programan, Eraldaketa Digitala garatzeko irtenbide berriak ezartzen laguntzen dizugu, baita dagoeneko badituzunak hobetzen ere.

Iturriak:

marketingdirecto

emprendepyme