Tradizioa da jada. Azaroko azken ostiralean Black Fridaya ospatzen dugu, Espainian arrakasta handiz errotu den egun bat, deskontu bereziz beterikoa. Aurtengo aurreikuspenak argitaratu dituzte observatorioecommerce.com webguneko artikulu batean eta, horien arabera, espainiarren % 74k produkturen bat erosiko du. Kantitate esanguratsua da, zalantzarik gabe.
El Diario Vasco egunkariak argitaratu du, Ihoberen txosten baten arabera, online denden euskal erabiltzaileen % 73 erosketen enbalajea ahalik eta gehien gutxitzearen alde egongo liratekeela. Txosten horretan adierazten da datu horren jatorria: elkarrizketatutako 10 erosletik 7k espresuki adierazi dute ingurumenak arduratzen dituela.
Eraldatze digitala askotariko enpresentzat gero eta garrantzi handiagoko faktore bat da, Incipyren Espainiako enpresen heldutasun digitalaren indizeari buruzko hirugarren azterlanaren arabera.
Marketing4ecommerce.net webgunearen arabera, 2019ko lehen hiruhilekoan hazi egin da Espainiako e-commercearen fakturazioa. Dena dela, hazkunde-tasa % 23tik jaitsi da lehen aldiz 2016az geroztik. Datuok adierazten dutenez –CNMCData atariaren txosten batetik hartuta daude–, Espainiako e-commercean sarrera gehien dituztenak operadore turistikoak eta bidaia-agentziak dira; hain zuzen ere, "fakturazio osoaren % 15 hartzen dute".
Adyenek 2019an txikizkako salmentari buruz egindako txostenaren arabera, zera eskatzen dute, gehien, sektoreko bezeroek: erosketa azkarragoa eta errazagoa, komunikazio-metodo zuzenagoak saltzaileekin eta, batez ere, tratu pertsonalizatuagoa izatea.
Gaur egun, herritar askok ezagutzen eta erabiltzen dute Bizum aplikazioa, partikularren artean telefonoaren bitartez diru-mugimenduak berehala egiteko aukera ematen duena. Plataforma hori guztira 26 banku erakundek osatzen dute.
Modaes.es plataformak Espainiako Online Modari buruzko 3. Txostena aurkeztu du orain dela gutxi; txosten horretan argi geratu da sektorea gorabidean dela. 2017an, moda-salmenten % 5,9 online egin ziren, eta iaz % 7,4raino igo zen ehuneko hori.
Logistika eta eskaerak entregatzeko metodoak aztertzen baditugu, ikusiko dugu jasotzeko guneak hazten eta hazten ari direla. TIPSAk argitaratutako azterlan baten arabera, salmenta elektronikoak egiten dituzten saltokien % 31k aukera hori dauka bezeroei eskainitako aukeren artean.
Etorkizuna hemen da. Edo ia. Amazon aukera berri bat aztertzen ari da: produktu edo zerbitzu bat Internet bidez erostean, erabiltzaileari aukera ematea selfie baten bidez ordaintzeko, bere identitatea pasahitz bidez ziurtatu ordez.
Merkatuen etorkizuna nolakoa izango den iragartzea oso gauza korapilatsua da. Eta e-commerceaz hitz egiten badugu, are zailagoa da. Interneteko aurrerakaden abiadura zorabiagarria da eta, halere, edozein sektoretan edozein enpresak arrakasta izateko gakoetako bat joerei aurrea hartzean eta joerei erantzuten lehenak izatean datza.
Internet bidez erosi zuten Euskadiko kontsumitzaileen batez besteko gastua 2.396 euro izan zen iaz: aurreko urtekoa baino % 45 handiagoa, eta Espainiako estatuko batezbestekoa baino % 26 handiagoa, hain zuzen. Bestalde, bidaiak, elikagaiak eta prestakuntza dira online egiten den gastu handieneko arloak; izan ere, EAEko biztanleek prestakuntzan eta bidaietan egindako gastua estatuko batezbestekoa baino askoz ere handiagoa da.
Iaz, e-commercerako logistikaren merkatua 1.550 milioi euroko kopurura iritsi zen. Biltegiratzeko, garraiatzeko eta banatzeko zerbitzuak biltzen ditu merkatu horrek.
