Online dendan baita fisikoan, Black Friday eta Cyber Monday delakoek kontsumo maila nabarmen handitzen dute urtez urte. Aurreko albisteetan aipatu dugun bezala, kontsumitzaile digital berriak agertu dira azken boladan. Gainera, Interneten bidez erostera ohituta zeudenek erosketa-kanal hau sarriago erabiltzen dute. Aurtengo kanpaina desberdina izango zela argi zegoen. 

Aurrekoa kontuan hartuta, aurtengo emaitzak ez dira harritzeko modukoak izan: estatu mailan Shopify erabili zuten txikizkako saltokien salmenta-kopurua, urtetik urterako %95-eko hazkundea izan zuen. Bestalde, Cyber Monday aurreko astean, azaroaren 23-tik 30-era, %84-koa. 

Aurtengo BFCM-an, aurrekoan baino %70 kontsumitzaile gehiago izan dira. Batez besteko gastua 59,92€-koa izan da.

Packlink-ek ia 300 online dendari egindako inkestaren arabera, gehienak baikorrak dira Gabonetako kanpainari begira.

Merkataritza elektronikoa etengabe aldatzen ari da. Eskaria, komunikazio-kanalak, gizartearen ohiturak eta lehentasunak eraldatuz doaz ere. Momentura egokitzea funtsezkoa izango da saltokientzat Internet-en arrakasta lortzeko. 

Urte honetan, gauzak erabat aldatu dira. Kontsumo-ohiturak guztiz aldatu dira. Ondorioz, saltokiak egoera berri honetara egokitu beharko dira. 

Horretarako, 2021. urterako e-commerce-aren joera nagusiak aztertuko ditugu:

Gero eta pertsona gehiagok WhatsApp erabiltzen dute txateatzeko. Bestalde, markek ere aukeratzen dute kanal hau negozioa egiteko. 

Hori dela eta, WhatsApp tokiko saltokiekin murgildu eta funtzionalitate berria argitaratu du txikizkako merkatariak laguntzeko asmoz. 

Facebook eta Instagram bere garaian egin zuten. Oraingoan, txat plataforma izan da online salmenta erraztu nahi duen hurrengoa.

Beraien Twitter-eko kontu ofizialean adierazi zutenez:

"Hemendik aurrera, goialdean kokatuta dagoen erosketa-botoia sakatuz gero, saltokian erosi nahiko zenukeen produktuak ikusi ahal izango dituzu."

WhatsApp Inc.

Gabonetako erosketek kontsumoa areagotzen dute urtero. Kontsumitzaile gehienek azaroan egiten dituzte erosketak, jaiak abenduaren amaieran hasi arren.

Xehetasunez, %38-ak hilabete honetan antolatzen ditu, eta beste %38-ak, berriz, dagoeneko erosten du. Bakarrik %12-ak jai-bezpera egunetarako utziko duela aurreikusten da.

Aurreko albisteetan aipatu genuen bezala, kontsumo-ohiturak nabarmen aldatu dira pandemiaren ondorioz. Hori dela eta, Internet-en bidezko erosketak izugarri hazi egin dira. Saltoki fisikoan soilik oinarritzen ziren dendak, ondorio nabarmenenak jasan dituzte. 

Merkatari askok beraien negozioa digitalizatu dute kontsumitzaile berri honen beharretara egokitzeko. Sendcloud-ek egindako ikerketa baten arabera, %60-ak konfinamenduaren aurreko hilabetetan baino 4 produktu gehiago erosi ditu, batez beste. 

Eta garrantzitsuena:

Kontsumitzaileen %40-ak online erosten jarraitzeko asmoa du, pandemia bukatu ondoren ere.

por Autor

Horregatik, online salmenta funtsezkoa bihurtu da txikizkako merkataritzarentzat.

Comisión Nacional de los Mercados y la Competencia delakoak estatu mailan egindako azterlan baten arabera, e-commerce-ak 12.243 milioi euro fakturatu zituen 2020-ko lehen hiruhilekoan. Aurreko urteko aldi bereko datuekin konparatuta (10.969 milioi euro), %11,6 igo da. 

Turismoa, aire-garraioa eta moda, denbora honetan gehien onuratu diren sektoreak dira. Merkatu-kuotaren %12,5-a, %7,1-a eta %6,6-a izan dute, hurrenez hurren. Emaitza onak ere izan dituen beste sektore bat, elikadurarena da (Delivery zerbitzua kontuan hartuta). 

Guztira, 226 milioi transakzio baino gehiago gauzatu dira. Aurrealdiko 203 milioien aldean, %11,4-an handitu dira. Zorizko jokoak, apustuak, lurreko garraioa eta moda, eragiketa gehien erregistratu zituzten sektoreak izan ziren. 

Segmentazio geografikoari dagokionez, diru-sarreren %49,2-a estatuko online dendentzat izan ziren. Gainerakoak atzerrikoei dagozkie. Internet bidezko salerosketen esparruan, 3.959 milioi euroko defizita esan nahi du horrek.

Alarma-egoerak gizartearen ohiturak aldatu zituen. Kontsumo digitalaren gorakada punturik aipagarrienetako bat izan zen. Une horretatik aurrera, denbora gehiago ematen dugu Internet-en. Konfinamenduaren aurretik baino %25 gehiago, hain zuzen ere. 

Denda fisikoetan erosketak egiteko mugak zirela eta, online dendek publiko berria irabazi zuten. Hala, online erosleen %10-a baino gehiagok e-shopper moduan estreinatu zen. 

Bestalde, kontsumo digitalaren gorakadaren ondorioz, jendeak marka berriak ezagutu zituen Internet-en bidez. Gainera, kontsumitzaileen %40-ak lehen erosi ez zuen dendetan kontsumitu zuen. 

Aurreikus daitekenez, premia handiko sektoreak arrakastatsuenak izan ziren alarma-egoeraren hasieran. Hala nola higienea, elikadura eta farmazia. Asteak aurrera joan ahala, moda, etxez-etxeko janaria eta dekorazio-produktuak nagusitu ziren.

Erosketa kopurua haztea online denda kudeatzaile ororen ametsa da, ezta?

Horretan datza bultzada-erosketak. Erabiltzaileak, erabakia hartzeaz gehiegi pentsatu gabe.

Duela gutxira arte, erosketa mota honek denda fisikoarekin lotuta egon da soilik. Gaur egun, online dendetan gauza berbera gertatzen da. Bultzada-erosketa gauzatzeko offline eta online ingurunetan erabilitzen diren teknikak, ezberdintasun handiak dituzte. Baina guztiek helburu berdin batekin: kontsumitzailearen arreta bereganatzea.

Oraingoan, helburu hau lortzeko gehien erabilitzen diren teknikak ezagutuko dituzu, zure online dendan martxan jarri ditzazun. Bi multzotan sailkatuko ditugu: produktuaren kokapenari eta aurkezpenari dagozkionak bereiztuz.

Pandemia dela eta, gure bizimodua aldatzen ari gara 2020 urtean zehar. Kontsumo-ohiturak erabat aldatu dira, erosteko modua ere aldatu baita. 

Jendea gero eta gutxiago doa denda fisikoetara erosketak egitera. Ondorioz, tokiko saltokiek inoiz bizi izan ez duten egoera bati aurre egin behar diote. 

Oraingo honetan, merkataritza elektronikoa izugarri hazi da. Horregatik, orain inoiz baino gehiago, saltokiak egoera berri honetara egokitu behar dira. Eta horretarako, bere negozioa digitalizatzen hasi beharko dute. 

Google-ek 3 ekimen martxan jarri ditu, txikizkako merkatarien susperraldi ekonomikoa sustatzeko eta online salmenta areagotzeko.