Retail munduko joerak

Retail sektoreak 180º-ko bira eman du azken urteotan. Kontsumitzaileek kontsumo-ohiturak aldatu dituzte eta erosketa-prozesuetan esperientzia berriak eta pertsonalizatuak bilatzen dituzte. Hurrengo eus-COMMERCE-ko postean retail mundua markatzen ari diren eta datozen urteetan lider izango diren joera nagusiak zeintzuk diren azalduko dizugu. Jarraitu irakurtzen!

Ingurunea eta prozesuak modernizatzea 

Denda fisikoen modernizazioa errealitate bat da. Denda tradizionalak digitalizaziorantz aldatzen ari dira, eta erosketa prozesuetan pantaila eta saski adimendunak gehitzen ari dira itxaronaldi luzeak saihesteko. Kontsumitzaileek esperientzia pertsonalizatuak eta bakarrak bilatzen dituzte, baina baita azkarrak eta dinamikoak ere.

Erosketa birtualek protagonista izaten jarraituko dute, bezeroei beren etxeen erosotasunetik erosketa egin ahal izateak ematen dien erraztasunagatik. Hala ere, internet bidezko itzulketak gutxitzea espero da. Itzulketa horiei lotutako tasak igotzen hasi dira, azken urteetan gora egin dutelako. Retailerrak mozkin-tarte handiagoa bilatzen saiatzen ari dira, bezeroak denda fisikoetara produktua itzultzera bultzatuz, horrela, bisita horretan zehar beste batzuekin arreta bereganatzen saiatuz.

Bidalketa-gastuak areagotzearekin batera, online erosketek gora egiten jarraituko dutela espero da, dendan jasotzeko. Click and collect indarra hartzen ari da kontsumitzaileek produktuen prezioari gehiago begiratzen diotelako, eta erosketa modu honen bidez bidalketa-gastuak aurreztu daitezke. Gainera, horrela ez dute etxean egon behar eskaera noiz iritsiko den zain.

Ordainketa-metodoak 

Egungo kontsumitzaile berriarentzat, erosotasuna eta ahaleginik gabeko erosketa funtsezkoa da. Erosketaprozesuetan ere eragina izango du horrek, eskudirutan egiten den ordainketak behera egiten jarraituko baitu denborak aurrera egin ahala.

Gero eta kontsumitzaile gehiagok egiten dute walletaren alde, mugikorraren bidezko ordainketa, erosketak egiten dituztenean. GetApp enpresak egindako ikerketa baten arabera, estatu mailako erabiltzaileen %56k telefono mugikorra erabiltzen du eguneroko salerosketak egiteko. Beraz, funtsezkoa da negozioak kontsumitzaileek ezarritako erritmo berrira egokitzea, teknologia berriek eskaintzen dituzten onurak aprobetxatuz.

Iturra

• marketingdirecto.com
• elEconomista.es