Bezero «birtualaren» arreta, gero eta garrantzitsuagoa

Bezero «birtualaren» arreta, gero eta garrantzitsuagoa

Mediapostek orain dela gutxi egin duen txosten batek agerian jarri du enpresek gero eta gehiago egiten dutela bezero-arretarako zerbitzu omnikanal baten alde, eta, pixkanaka, negozioaren alderdi elektronikora bideratuago daudela.

Gainera, joera hori areago nabarmendu da COVID-19aren krisiak ekarri duen itxialdian. Ezusteko gertakari hori dela eta, erosle berriak sartu dira eremu digitalean, onlineko erosketetan lehendik aritu gabeak, eta, ondorioz, saltokien arreta-zerbitzuek berebiziko garrantzia hartu dute.

Txostenean joera horri buruzko oso datu interesgarriak bildu dira. Adibidez, gai horri buruz comunicacionmarketing.es atarian argitaratu den artikulu baten arabera, ikasmaterialen onlineko erosketetan bezero-arretako zerbitzuei egindako kontsultak % 135 gehitu dira iazko aldi beraren aldean.


Etorkizuneko aldaketa

Mediaposten txostenaren ondorio nagusietako bat da alarma-egoera igarotzen denean bezeroekiko harreman «birtualak» ez direla gutxituko. Behin betiko aldaketa iritzi diote; alegia, saltoki elektronikoek arretaz zaindu beharko dute alderdi hori, etorkizunari begira.

Horren haritik, gomendio bat ematen dute: «Contact center omnikanal bat eta teknologian oinarritua aktibatu behar da, bezeroari tratu ez-presentzial pertsonalizatua emateko».

Gomendio hori eta beste batzuk xeheago ezagutzeko, irakurri artikulu osoa hemen.

Uda honetan online salmentak areagotuko dituzten 3...
Zeintzuk izango dira e-commerceko joerak COVID-19a...

By accepting you will be accessing a service provided by a third-party external to https://euscommerce.eus/