Zein da sare sozialetan argitaratzeko ordurik onena?

Sare sozialetako gure profiletan aktiboak izatea ezinbestekoa da interneten jarraitzaile eta bezeroen komunitate egonkor bat ezarri nahi badugu. Alderdi garrantzitsuenetako bat irismena da, metrika horrek aukera ematen baitigu gure sareetako argitalpenen bidez zenbat pertsonari eragiten diogun neurtzeko.

Horregatik, irismena maximizatzeko eta ahalik eta erabiltzaile gehienengana iristeko, beharrezkoa da edukia sareetara igotzen dugun eguna eta ordua kontuan hartzea. Eus-COMMERCEk zure sareak optimizatzeko eta ahalik eta probetxu handiena ateratzeko pista batzuk ematen dizkizu. 

Orduak sare bakoitzera egokitzea 

Sare sozial guztiak ez dira berdinak; beraz, garrantzitsua da bakoitzera egokitzea eta haien ezaugarriak ondo ezagutzea. Jakina, sektorearen eta daukagun kontu motaren arabera, datu horiek aldatu egin daitezke. Horregatik, beharrezkoa da sare sozialetan egotea eta gure erabiltzaileak eta haien beharrak ulertzea.

Facebooken dagoen eta aktibo dagoen publikoaren batez besteko adina gainerako sareena baino handiagoa da, eta horrek, jakina, aktibo dauden denborak baldintzatzen ditu. Sare sozial honek batez ere astegunetan sortzen du jarduera, eta larunbatean emango dituzte emaitza txarrenak gure argitalpenek. Orduei dagokienez, komeni da goizeko 9etatik eguerdiko 13ak arte argitaratzea.

Oso antzeko jarduera-patroiei jarraitzen dien beste sare bat Linkedin da. Ez da harritzekoa, sare hori publiko profesionalagoa erakartzeagatik nabarmentzen baita, eta, horren ondorioz, jarduera gehien sortzen duen orduak lan-ordutegiari dagozkio. Beraz, gure argitalpenak Linkedinen kontzentratu behar ditugu astelehenetik ostiralera, asteartea goizeko 10etatik eguerdiko 13ra jarduera handieneko tarte bezala nabarmenduz. Asteburuetan, ordea, plataformako jarduerak behera egiten du. 

Instagram eta Twitter, jarduera gehien duten sareak 

Instagram aisian oinarritutako sare sozial bisualagoa da, eta, beraz, jarduera asko aldatzen da gure negozio motaren arabera. Normalean, sare aktiboagoa da astegunetan. Baina, Facebookek eta Linkedinek ez bezala, ez du hainbeste jarduera galtzen asteburuetan, eta larunbatean eta igandean erabiltzaile aktibo ugari mantentzen ditu. Hala ere, jarduera handieneko aldiak astelehen, ostegun eta ostiraletan goizeko 10etatik 11etara eta astearte eta asteazkenetan goizeko 10etatik eguerdiko 13etara izaten dira.

Sare sozial guztien artean, Twitterrek ematen dio bide gehien erabiltzailearekiko elkarrizketari eta interakzioari. Horregatik, garrantzitsua da bertan egotea eta kanal honen bidez sortzen diren galderei eta zalantzei erantzutea. Instagramekin gertatzen den bezala, asteburuan erabiltzaile kopuru handia galtzen ez duen plataforma da. Hala ere, aktiboagoa da astelehenetik ostiralera goizeko 9ak inguruan.

Garrantzitsua da argitalpenaren uneari erreparatzea, sare sozialetan ahalik eta presentzia handiena izan dezagun. Eus-COMMERCEn badakigu zein garrantzitsua den sare-estrategia ondo definitua izatea; horregatik, sarean izandako azken aldaketa eta berrikuntzen berri ematen dizugu. 

Iturriak

Marketing4ecommerce

Hubspot