Twitterrek Komunitateen alde apustu egin du, sare sozialaren funtzionalitate berria aurkeztuz

Twitterrek funtzionalitate berria aurkeztu berri du: Komunitateak. Funtzionalitate berri honen helburua kontu eta jarraitzaileen arteko komunikazio zuzenagoa ahalbidetuko duten taldeak sortzea da. Tokiko merkataritzarentzat, kontsumitzailearekin harremanetan jartzeko modu berri bat da.

Komunitateek aukera ematen diote Twitterreko edozein erabiltzaileri jarraitzaile-talde horiekin zuzenean elkarreragiteko, talde horietako kideak baitira gure tweetei erreakzionatu eta erantzun ahal izango dieten bakarrak. Nahiz eta kideek bakarrik parte hartu ahal izango duten elkarrizketetan, talde horiek eta haien edukiak publikoak izaten jarraituko dute. Sare sozialak Twitter erabiltzeko arauak betetzen direla ziurtatu nahi du horrela.

Komunitateen barruan, bi rol nabarmenekin egingo dugu topo: administratzaileak eta moderatzaileak. Lehenak taldearen jabeak dira, eta beraz, taldea kudeatzeaz arduratzen dira. Baina hau lortzeko moderatzaileen laguntza ere izan dezakete. Moderatzaileak arauak sortzeaz, beste erabiltzaile batzuk komunitatera gonbidatzeaz eta komunitatearen barruan gertatzen dena gainbegiratzeaz ere arduratzen dira.

Funtzio berria probaldian dago momentuz, eta beraz, hainbat tresna mugatuta daude oraindik. Hala ere, konpainia amerikarrak Komunitateak pixkanaka plataformaren erabiltzaile guztientzat irekitzea espero du. Zalantzarik gabe, saltoki txikiak bezeroei hurbiltzeko tresna izango da.


Iturria:

• marketing4ecommerce.net