Chatbotek online denden salmentak %65 haziko dituzte

Hasi aurretik, chatbot bat zer den ikusiko dugu. Chatbot bat erabiltzaileekin testu-mezuen bidez komunikatzen den laguntzaile gisa defini dezakegu.

Negozio digital orok jakin behar du salmentak ez direla oinarritzen soilik erabiltzaileak online dendan "erosi" sakatzean. Ezberdintasuna markatzeko eta, batez ere, mundu digitalean hazteko, garrantzitsua da bezeroarekiko harremanari eustea. Prozesu horri elkarrizketa bidezko merkataritza edo c-commerce esaten zaio. Erosketa amaitzean, bezeroek beren eskaerari buruzko informazioa nahi izango dute, eta zalantzak izango dituzte erosteko erabakia hartu aurretik.

Gus startup espainiarrak, bezeroaren esperientziari aplikatutako teknologietan espezializatuak, ziurtatzen du erabiltzailearekin zuzeneko elkarrizketa bat eginez, salmentak % 65 handitzea lortu ahal izango duzula. Era berean,erabiltzailearen gogobetetzea handitzea ere.

Gus Facebookek ziurtatutako enpresa bat da, bere mezularitza-kanalei buruzko irtenbideak garatzeko eta botak sortzeko.

Elkarrizketa-merkataritza chatbot-etatik abiatuta garatu zen, eta horiek web orrian edo app-an integratzen dira. GUS teknologia chatbot horietan oinarritzen da. Horri esker, edozein enpresak, bere tamaina edozein dela ere, komunikazio-plataformen bidez jo dezake.

Irtenbide berritzaile hori automatizazioan eta adimen artifizialean oinarritzen da. Frogatuta dago automatizazioak hainbat plataforma kudeatzen eta bezeroari zerbitzua emateko esperientzia optimizatzen lagun diezaiekeela enpresei. Gainera, emaitza komertzialak bultzatzea, komunikazio zerbitzuak arintzea eta bezeroen iruzkin positiboak bultzatzea ahalbidetzen du, konpainiaren sortzaileetako baten esanetan.

GUS plataformak bezeroei arreta emateko lanak automatizatzeko zerbitzua eskaintzen die konpainiei, % 75 inguru. Horri esker, kostuen % 60 aurreztu ahal izango da bezeroarentzako arreta-zerbitzuan.

GUSek eskaintzen dituen irtenbide ugarien artean, marketin-kanpainak modu segmentatuan abiarazteko aukera dago. Honek edukia pertsonalizatu eta botoi interaktiboak sartzea ahalbideratzen du, erabiltzaileari esperientzia bat sortuz. Bestalde, enpresa askoren jakinarazpenak eta journey kustomer osoa automatizatzea eskaintzen du, integratuta dauden datu-iturriak direla eta (Shopify edo Salesforce).

Komunikazio-plataformak, hala nola WhatsApp, Facebook Messenger edo Instagram, merkataritza elektronikoko app-ak edo webguneak, bezeroarekin harreman pertsonalizatua eskaintzen duten tresnak dira. Hauek, bere lehentasunetara egokitzeko aukera ematen dute.

Hootsuite eta We Are Social egunkariek egindako ikerketa baten arabera, sare sozialak gorabidean daude. Espainiarren % 80k egunero erabiltzen dituzte sareak, eta batez beste 2 orduko denbora igarotzen dute egunero. WhatsApp da liderra, eta YouTube, Facebook eta Instagram ditu atzetik.

Jaime Navarro GUSen sortzaileetako batek iragarri duenez, datozen urteetan elkarrizketa-merkataritzaren % 90 berehalako mezularitzako aplikazioen bidez egingo da, WhatsAppen bidez, esaterako. 

Proba pilotua, luuna, bezeroarentzako arreta Instagram bidez

Gusek 65 bezero baino gehiago ditu Espainian eta Latinoamerikan. Horien artean Aquaservice, Juguettos, ONCE, Cursos CCC edo Gipuzkoako Foru Aldundia daude.

Luuna Mexikoko e-commercearen kasuan, bi enpresek proba pilotu bat egin zuten. Markak azkar eta eraginkortasunez erantzun diezaieke bezeroei Messengerreko APIarekin. Emaitza positiboak eman zituen, enpresarentzako kritika positiboek eta salmentek gora egin baitzuten.

Luunak 8 aldiz baino gehiago murriztu du erabiltzaileen mezuei erantzuteko denbora, markari buruzko aipamen negatiboak erdira jaitsi ditu eta bihurketa-tasa % 10 handitu du. 

Iturriak:

• e-show magazine