Zure online denda kokatzeko aholkuak

Posizionamendu ona lortzea ez da egun bateko kontua, eta, horretarako, gure negozioaren lehentasunak hartu behar ditugu kontuan, gure online dendaren SEO estrategia zehaztu aurretik.

Baina badakigu SEO zer den? Search Engine Optimization-en laburdura da (optimizazioa bilaketa-motorretan). Webgune baten ikusgarritasuna eta kokapen organikoa bilatzaileen emaitzen zerrendetan hobetzeaz arduratzen diren tekniken multzoa da.

Eus-COMMERCEren post honetan, gure online dendaren posizionamendua hobetzeko moduaz hitz egingo dugu. Segi irakurtzen gehiago jakiteko!

Hasteko, eduki bakarra igo behar dugu produktu bakoitzeko. Produktuen bikoiztasun mota oro saihestuz, baita deskribapenak eta antzekoak ere. Beste webgune batzuetako produktuen deskribapenak kopiatu eta itsatsi gabe, eta bakarrak egiten edo ahal den neurrian aldatzen saiatuta.

Gure online denda kokatzeko ahalik eta aukera gehien izateko, gomendagarria da izenburu bat, testu alternatibo bat eta deskribapen bat ipintzea, bilatzaileek edukia hobeto uler dezaten. Hasierako orria erakargarria ez bada, bihurketengan eragin negatiboa izan dezakete; beraz, egokiena testu trinko hori guztiaren amaieran jartzea da. Gure online dendaren hasierako orriaren helburu nagusia bihurketak lortzea izango da, eta, beraz, erakargarria izan behar du.

Produktuaren orrialde bakoitzerako (long tail) gako-hitz espezifikoak erabiltzeak ere lagunduko digu posizionatzen. Zenbat eta "Long tail" gehiago izan keyword bat, orduan eta errazagoa izango da Google eta beste bilatzaile batzuen lehen postuak lortzeko. Gainera, erabiltzaile bat gako-hitz oso espezifikoen bila ari bada, seinale ona izango da argi duelako zer behar duen, eta, beraz, bihurtzeko aukerak handiagoak izango direlako.

Kontuan izan behar dugu, halaber, gero eta gehiago direla mugikorretik online erostera animatzen diren erabiltzaileak, baina orrialde askotan oraindik pantaila txikietatik nekez irakur daitezkeen botoi xeheak, deskoadrak edo testuak daude. Horregatik, aspaldi, Googleren erreferentziazko bertsioa mugikorra da; beraz, alderdi hori optimizatzeak gure ecommerce-rako SEOren lehentasunen artean egon beharko luke.

Orain, zure online denda jartzearen eta SEO lantzeko moduaren garrantzia ondo ezagutzen duzunez, hori gauzatzeko laguntza behar duzula uste baduzu, eus-COMMERCEren webgunea bisitatzera animatzen zaitugu.

Iturria

• ecommerce-news.es
• mkparadise.com